இலங்கையில் இருந்து ஜப்பானியர்களை இலக்கு வைத்த முதலீட்டு மோசடி.

ஐடி நிறுவனம் போல் நடித்து இலங்கையில் இயங்கும் ஒரு அமைப்பு, ஜப்பானிய மொழி பேசும் உள்ளூர் மக்களை வேலைக்கு அமர்த்தி, ஜப்பானிய நாட்டவர்களை முதலீட்டு மோசடிகளுக்கு இலக்காக்குவதாக அங்கு சிறிது காலம் பணிபுரிந்த ஒருவர் கியோடோ நியூஸிடம் தெரிவித்துள்ளார்.

தொலைபேசி மோசடிகளால் ஏற்பட்ட சேதத்தின் அளவு தெரியவில்லை எனினும், சில பாதிக்கப்பட்டவர்கள் ஜப்பானிலிருந்து அந்த அமைப்பின் கணக்கிற்கு 30 மில்லியன் யென் (சுமார் $192,000) வரை பரிமாற்றம் செய்திருப்பதாக கேள்விப்பட்டதாக முன்னாள் ஊழியர் கடந்த மாதம் அளித்த பேட்டியில் தெரிவித்தார்.

தென்கிழக்கு ஆசிய நாடுகளில் இருந்து ஜப்பானிய மோசடியாளர்கள் செய்யும் தொலைபேசி மற்றும் ஆன்லைன் மோசடிகள் தொடர்ச்சியாக நடந்து வருகின்றன. ஆனால் தெற்காசியாவில் உள்ளூர் மக்களை வேலைக்கு அமர்த்தி ஜப்பானில் உள்ளவர்களை பாதிக்கும் வகையில் நடக்கும் சம்பவங்கள் அரிதாகவே இருக்கின்றன.

ஜப்பானில் வேலை செய்த அனுபவம் உள்ள, ஜப்பானிய மொழியில் தேர்ச்சி பெற்ற அந்த இலங்கையர், கொழும்பில் உள்ள இந்த அமைப்பில் 100-க்கும் மேற்பட்ட ஊழியர்கள் இருப்பதாகவும், ஆனால் அவர்களில் ஜப்பானியர்கள் யாரும் இல்லை என்றும் கூறினார்.தான் நன்றியுடன் இருக்கும் நாட்டின் மக்களை ஏமாற்றுவதில் ஈடுபட தயக்கம் காட்டியதால் அவர் அந்த வேலையை விட்டுவிட்டார்.பேஸ்புக் பதிவில் கண்ட வேலை விளம்பரத்தின் மூலம் தான் இந்த வேலையைப் பற்றி அறிந்ததாகவும், சுமார் 250,000 இலங்கை ரூபாய் ($855) சம்பளம் வழங்குவதாக அதில் குறிப்பிடப்பட்டிருந்ததாகவும் அவர் கூறினார். 

நிறுவனத்தின் அலுவலகம் அமைந்துள்ள கட்டிடத்தில் உள்ள ஒரு அறையில் இருந்து அழைப்பதற்காக ஜப்பானின் தொலைபேசி எண்களின் பட்டியல் அவருக்கு வழங்கப்பட்டது.இலங்கையிலிருந்து அழைப்பதை மறைக்க ஒரு செயலியைப் பயன்படுத்தி, தொலைபேசி மூலம் ஜப்பானிய மொழியில் முதலீட்டு விற்பனை முயற்சிகளை மேற்கொள்ளுமாறு அவருக்கு அறிவுறுத்தப்பட்டது. (Kyodo News)