வில்பத்து கடற்கரையில் கண்டெடுக்கப்பட்ட இறந்த டால்பின்கள்.

வில்பத்து தேசிய பூங்காவின் கடற்கரை எல்லையில் 11 டால்பின்களின் உடல்கள் கண்டெடுக்கப்பட்டதைத் தொடர்ந்து, வனவிலங்கு அதிகாரிகள் விசாரணை மேற்கொண்டுள்ளனர்.

வனவிலங்கு கால்நடை மருத்துவ அதிகாரிகளான சந்தன ஜயசிங்க மற்றும் டபிள்யூ.எல்.யூ. மதுவந்தி ஆகியோர் பிரேத பரிசோதனை மேற்கொண்டனர். டால்பின்கள் மீன்பிடி வலைகளில் சிக்கிக் கொண்டு பின்னர் கரையில் அடித்து வந்திருக்கலாம் என சந்தேகிக்கப்படுகிறது.

இறப்புக்கான காரணத்தை உறுதிப்படுத்த பேராதனைப் பல்கலைக்கழகத்தின் கால்நடை மருத்துவ பீடத்திற்கு திசு மாதிரிகள் அனுப்பப்பட்டுள்ளன.